Assi: Nukissiorfiit

Sisimiuni anorisaatit siullersaat napparneqartoq

Anorisaatini napparneqartussani marluusuni siulleq Sisimiuni sapaatip akunnerata naanerani napparneqarpoq. Nukissiorfiit nunaqarfinni anorisaatissanik misileraavimmik Sisimiuni suliniutaannut atatillugu tamanna pivoq.

Misileraaviup anorisaatit minnerit nunatsinni nunaqarfinni ikkussuunneqannginnerini nunatsinnut naleqqunnersut misilerarnissaat siunertarineqarpoq.

Anorisaatit marluk Sisimiuni eqqaavissuup eqqaani novembarip naanerani napparneqarnissaat pilersaarutaavoq. Sapaatillu akunnerata naanerani siulleq napparneqarpoq.

AAMMA ATUARUK Igaliku mingutsitsinnginnerusumik innaallagialersorneqalersoq

AAMMA ATUARUK Dieseli nukimmik ataavartumik taarserniarniaraat

Anorisaatit mikisut, sipilit atornagit ajornaatsumik napparneqarsinnaapput. Anorisaatit 25 meterit missaannik portussuseqarput 25 kilowattinillu sarfaliorsinnaallutik.

Anorimik nukissiuutit illoqarfinni nunaqarfinnilu tamani 2030-mit nukissiuutinik ataavartumik nukissiuteqalernissamut aamma allat assingusut soorlu erngup nukinganik seqinermillu nukissiuutit assigalugit pingaaruteqartorujussuulerumaartut Nukissiorfiup naatsorsuutigaa.

Nukissiorfiit nittartagaatigut assit takusinnaavatit.

Assi: Nukissiorfiit

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat