Sisimiuni Alanngorsuup Timaani nuna ikuallappoq
![](/sites/default/files/styles/image_934x467/public/article_images/sisimiut.jpg?itok=-8lNzJcg)
- Ippassaq ualikkut sisamat missaanni kalerrinneqarpugut, Sisimiut kangianni 10 kilometerit missaannik ungasitsigisumi pujortoqartoq, taavalu taqqamunnartitsinerup kingornatigut paasineqarluni nuna ikuallattoq, Qeqqata politiivini pisortaq Johan Davidsen taama oqaluttuarpoq.
Naak ikuallattoq annikillartoraluarluni, qummut qaqqanut siaruaakkiartortoq oqatigineqarpoq.
- Tassalu ullaassaq sisamap missaanni innerup qamiterneqarnerani paasineqarpoq, nuna sanimut 200 meteri tukimullu 200 meteritut annertussusilik ikumasimasoq. Qatserisartullu ullaaq arfineq pingasut kingornatigut angerlaannerini nalunaarifigineqarpugut, suli ikumasoq qamisarneqarnerali ikumasoq, Johan Davidsen oqarpoq.
Alanngorsuup Timaa tungaani Sisimiuni Sisorarfinniit 3 - 4 kilometerinik kangisinerusumi ikuallatoqartoq angummit pisuttuartumit kalerriutigineqarpoq.
Sunali ikuallassutanersoq politiinnut oqaatiguineqarsinnaanngilaq.
- Suna ikuallannermut aallarniutaasimasinnaanersoq oqaatigisinnaanngilarput. Kisianni tassa aasaq tamaat sialoqarpiannginnatta, taqqamani nuna panertorujussuuvoq, taamaammat suna ikuallassutaaasimasinnaanersoq nalunarpoq.
Qeqqatalu politiivini pisortap Johan Davidsenip Sisimiormiut takornariallu maanna kaammattorpai, innilerissagaangamik mianersortaqqullugit.
- Tassa unnuaq sialualaalerpoq sulilu sialualaaerluni. Taamaakkaluartorli nuna panertorujussuuvoq. Taamammat innermik atuinissaq mianersuullugu pineqassaaq.
Ilisimasat malillugit ikuallannermi ajoqusertoqanngilaq.
Upalungarsimanermut pisortaq Ole Kreutzmann oqaluttuarpoq, Qattserisartut aqqaneq marluk ikuallattumik qamisaallutik akunerit 16-init sinnerlugitsulereertut.
Taakkualu allanit qulinit maana tarserneqalersut.
Ikuallattumik isiginnittunik Radioaviisimiit oqaloqatissarsiorpugut. oqarasuaammut 1717-imu SMS-imik nassiussigit, taava UNNIA allariarlutsu Sisimiunik ikuallanneq taallugu.