Sisamat lastbiilinik aportillutik Jerusalemimi toqutaasut nalunaarutigineqartoq

Jerusalemimi sakkutuut arlallit lasbiilinik aportimmata sisamat toqutaasut, arlallillu aqqunartitertut, nakorsanit oqaatigineqarpoq.

Israelimiut radioat naapertorlugu lasbiilinik ingerlatsisoq Palæstinamiuuvoq. Taanna sakkutuunik aporsinermi kingorna aallaatippoq.  Lastbiilip igalaava siorleq eqqaassiffigineqarsimasoq assilisani takuneqarsinnaavoq.

Tamanna Jerusalemitoqqamut isikkivilikkut saqisaartoqarnerani pivoq.

- Peqqarniisaarluni saassussineruvoq, politiit oqaaseqartartuat oqarpoq.

Aamma inuit 15-it lastbiilinik aportillutik aqqunartitertut politiinit oqaatigineqarpoq. Toqutaasut pingasut arnaasorineqarput, ataaserlu angutaasorineqarluni.

Lastbiilinik ingerlatsisup businit niusut aporniarsarisimagai, politiinit oqaatigineqarpoq.

Lastbiililu sakkutuunik aporsisoq Israelimiup bussinik ingerlatsisup aporsinermullu takunnittuusup Isralip radioanut oqaatigigaa, nutaarsisassaqartitsivik Reuters allappoq.

Tamatumalu kingorna sakkutuut lastbiilimut ingerlatsisuanullu eqqaassigaluarlutik lastbiilit aporseqqipput.

Saassussisoq oqartussanit suli kinaassusersineqanngilaq, aallaatinninilu toqussutigineraa nalunaarutigineqarnani.

/ritzau/AFP