Isikkamik arsaalluni pissartanngorniunneq: Sisamanngornermi unamminerni naligiittoqanngitsoq

Angutit isikkamik arsaallutik Sisimiuni pissartanngorniunneranni ippassaq naligiittoqanngilaq.

N-48 Eqaluk-54-imut ajugaavoq, Iluliarmiut 14-eraarlutik ajugaapput, Tasiusarmiut ataaseraartut.

Siorna pissartat, tassa B-67 nunaqqatitik GSS tallimaraarlutik ajugaaffigaat. GSS isertitaqanngitsoq.

Unammisut kingulliit, tassa G-44 IT-79-ilu aamma naligiinngilluinnarlutik unammineq naammassivaat. G-44 sisamaraartoq IT-79 ataaseraarpoq.

Ullumi unamminerit kingulliit ingerlanneqassapput, sapaatiuppallu pissartanngorniutivittoqassalluni. Ataasinngormalli B-67 N-48-llu unamminissaraluat, aqagu arfininngornermi pissaaq. Taannalu sapaatiuppat pissartanngorniutivinnissamut kikkut unamminissaannut aalajangiisooratarsinnaavoq.

Ullumi N-48 GSS-ilu nalunaaqutaq pingasunut unammissapput.

B-67 IT-79-ilu tallimanut, taavalu nalunaaqutaq arfineq-marlunut Eqaluk 54 G-44 unammissallutik.

Unamminerit tamarmik tv-kkut toqqaannartumik malinnaavigineqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat