Sisamanngornermi aggustip 29-iani ullup qeqqaanerani radioaviisi
Aalborgimi Kalaallit Nunaat pillugu ulloqartitsisoqarnera tusagassiorfinnit sammineqarpallaarani aallartippoq. Tamanna kulturikkut illorsuarmi Nordkraftimi ippassaq ammaanersiornermi pivoq, qarlortartartorlu Arnannguaq Gerstrøm tusarnaartitsillunilu oqalugiarpoq.
Aalborg Sermersoorlu illoqarfittut ikinngutigiipput, taakkulu 2008-miilli ukiut marluk-pingasukkuutaarlugit illoqarfiit kulturii pillugit paarlakaajaallutik nalliuttorsiortarput. Nuummi 2011-mi Aalborg pillugu ulloqartitsisoqarpoq, sapaatit akunneranilu uani Aalborgimi Kalaallit Nunaat pillugu ulloqartitsisoqarpoq.
Kalaallit Nunaata Danmarkimi nalinginnaasumik isigineqarneranit allaanerusumik takutinnissaa siunertarineqarpoq.
Ullup qeqqaanerani radioaviisimi tamanna tusagaqarfigisinnaavat.