SIS nutaamik siulittaasortaarpoq
34-nik ukiulik Lars Frederik Lundblad, Sisimiuninngaaneersoq, Siumup Inuusuttunut Suleqatigiiffiani qinersinertaqanngitsumik unammillerneqarnani siulittaasunngorpoq.
Allattoq Louise M. Kleemann
Lars Frederik Lundbladip Benjamin Kielsen siulittaasutut taarserpaa. Siulittaasunngorlaaq ataatsimeersuarnermi februaarip qaammataani pisussami, ivertinneqassaaq.
Siumup Inuusuttunut Suleqatigiiffiat februaarip qulinganniit aqqaneq aappaata tungaanut Nuummi ataatsimeersuassapput. Inuusuttut 50-it missaat sineriammeersut Nuumminngaaneersullu ataatsimeersuarnermi peqataassangatinneqarput.