SIS: Napaattuup siulersuni tulliunini apeqqusertariaqarpaa

Siumut inuusuttai piumasaqarput Jens Napaattuup partiimi siulittaasup tulliunini maanna apeqqusertariaqaleraa. SISI-imi siulittaasoq Mads petersen isumaqarpoq partiimi siulittaasup tulliata killissani maanna qaangeraa.

Jens Napaattooq naalakkersuisuunermi nalaani aningaasanik ilissinninnermut atugassaminik sippuilluni atuisimavoq, 400.000 koruunit qaangerlugit atuisimalluni. Ilissinnissutissatut aningaasaliussat ilaat ilaatigut imerniartarfiliarnermut, atisaajarluni qitittarfimmut pulaarnermut kiisalu ilaqutariit nereqatigiinnerannut atorneqarsimallutik.

Tamakku pillugit SIS-ip siulittaasua Mads Petersen ima oqarpoq:

- Pissutsit pisaqattaartut isigalugit isumaqarpunga siulittaasup tulliata inissisimanini apeqqusertariaqaleraa. Inuttut eqqarsartarnerput malillugu kukkussutigisimasagut nassuerutigalugit arlaatigut akilertariaqartarpagut. Siumut massakkut nukittorsarneqarnissaanik eqqartuineq tunngavigalugu massakkut pisut iluaqutaavallaanngillat.

Mads Petersen isumaqarpoq Jens Napaattuup iliuutsini naalakkersuisutut tunuassutigisani pillugit maligassiuinngitsoq.

- Pisut kingulliit takutitsipput maligassiuisoqanngitsoq. Inuiaqatigiit tamanna atakusinnaalereerpaat, Siumullu tamanna ajoraluartumik iluaqutigivallaarnavianngikkaa naatsorsuutigisinnaasariaqarparput.

Mads Petersen erseqqissaavoq Siumut ingerlaqqissappat Jens Napaattooq akiliisariaqartoq.

Siumut siulersuisuunerini qinersisoqaqqissangaluarpat Siumut inuusuttaasa ataatsimoorlutik innersuussinerat naapertorlugu siulittaasup tullersortissaanik qinersiumaarlutik Mads Petersen oqarpoq.

- Siumut ingerlaqqissagutta pitsaanerusunik siulersuisuuneqartariaqarpugut.

Nuummi Siumut immikkoortortaqarfiani siulittaasup tullia Ole Berthelsen radioaviisimut ippassaq oqarpoq Siumut ataatsimoorfiusoq maannakkut siuttuusut sequmilluinnaleraat, taamaattumillu immikkut ataatsimeersuarnissamik immikkoortortaqarfiit ilungersuuteqartariaqalersut. Mads Petersen-ip Ole Berthelsen-illu oqaaseqarnerinut naalakkersuisut siulittaasuat Hans Enoksen oqaaseqartinniaraluaratsigu iluatsinngitsoorparput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat