SIS: Annersaasartut nalunaarutigisarlugit
Ullumikkut Arnat Ulluanni arnanik persuttaasarnerup millisarniarnissaa salliutinneqaqqullugu Naligiissitaanissamut Siunnersuisooqatigiit kaammattuutigaat.
Siumup Inuusuttunut suleqatigiiffia SIS tamatumunnga tunngatillugu arnanik kaammattuivoq persuttarneqarunik persuttaasoq erngerlutik politiinut unnerluutigisaqqullugu.
-Annersaaneq pinerluttulerinermik inatsimmik unioqqutitsineruvoq, taamalu unioqqutitsisut unnerluutigineqartariaqarput, SIS-ip siulittaasua Tom Nykjær Schmidt oqarpoq.
Naligiissitaanermut Siunnersuisoqatigiit kisitsisaataat naapertorlugit persuttaanerit ukiumut 700-t sinneqartut, tassa arnanik angutinillu, politiinut nalunaarutigineqartarput, arnallu nunatsinni qimarnuinnut saaffiginittartut ukiumut aamma 700-t sinneqartarput.
