Siriuspatrulje Nunavummi sungiusariaqataassaaq

Canadap issittuani nakkutilliisuupput Rangersinik pineqartartut, taakku qamuteralaat atorlugit nakkutilliisarput. Siriuspatrulje-ili qimussimik nakkutilliisarlutik.

Sungiusarnerup siunertaraa nakkutilleeriaatsit assigiinngitsut taakku pitsaaqutaat ajoqutaallu paasiniassallugit, Kangilinnguani sakkutooqarfimmi orlogskaptajn, Finn Jakobsen oqarpoq:

- Qangali inuit atortagaat, tassa qimusserneq, uagut pitsaanerpaatut isigaarput. Canadamili qamuteralaat atorneqartarlutik. Qamutit taakku assigiinngissusaat paasiniassallugu pissaganarpoq. Imaassinnaavoq canadamiut ilinniartsissinnaagigut. Orlogskaptajn oqarpoq.

Canadamiunit suut uagut ilikkarsinnaavagut?

- Inuilaarsuarmi qamuteralaat atorneqartarnerisa sutigut iluaqutaaneri paasisaqarfigisinnaavagut, kisianni uagut nalunngilarput qimmit qamutillu ajunnginnerusut, tassami snescooterit aserorsinnaapput. Kisianni qularinngilara immitsinnut ilinniartissinnaalluta, immaqalu canadamiut paasitissinnaavagut qimmit qamutillu pitsaanerummata.

Finn Jakobsen naggasiivoq. Issittumi sakkutooqarnermi sungiusarnermi Sirius aatsaat siullermeersumik peqataavoq.