Siriusikkut ujarannguunnikorsiussapput
Nuna tamanna ilisimatuunit tikikkuminaatsuuvoq. Naak nuna tamanna nunap sananeqaatai eqqarsaatigalugit pissanganartuugaluartoq, taamaattoq uumasunik naasunilluunnit ujarannguussimasunik siornatigut katersukkat ikittuinnaapput.
Katersugaasivik Statens Naturhistoriske Museum nittartakkamini taama allappoq.
Nunatta avannaarpiarsuani nunarsuarmi nunarsuarmi kalkeqarfiit annertunerpaat ilaat ukiut Ordoviciumip Silurillu nalaanneersut siumugassaapput.
Ukiut taakkua uumasoqarnerup ineriartulernerata siulliup paasinissaanut pingaarutilerujussuupput, pingaartumik ukiuni Ordoviciumip nalaani uumasut amerlasoorpassuit toqorarnerat pisimammat, taamani uumasut assigiinngitsut tamarmik 85 procentii nungussimallutik.
Qimussimik alapernaarsuisut Siriusikkut ujarannguussimasunik nutaanik nassarlutik katersugaasivimmut angerlaassillutik iluatsitsissappata taakkua pingaarutilerujussuussapput, tassami uumasut naasullu taamanikkut ajunaarnersuup kingornagut amerliartorlutik qanoq iluatsissimanerannik ilisimatuut ilisimasaannut iluaqutaasinnaammata.
Ukiut Ordoviciumimik taaneqartartut ukiulersueriaaserput 450 millioninik sioqqullugu pisimapput.
