Siriusikkut aasarsiulerput

Illersornissaqarfiup Tunup avannaarsuanik nakkutilliisitaat Siriusikkut aasaanerani suliassatik aallartittussanngoraat, illersornissaqarfiup nittartagaani allaaserineqarpoq.

Siriusikkut qamutit arfiniliullutik qaammammi uani Danneborgemut 100 kilometerit ingerlaassavaat, ingerlaalerunillumi aasalernera maligissaqaat aqqutissartik aputaarutilereermat.

Danneborgermukarnerminni qooroorsuaq masarsulik kuussualillu aqqusaartussaavaat, aputaarutilereeermallu nunakkut ujarattoqisukkut qimmitillu ilungersuangaatsiarnissartik naatsorsuutigisinnaassagaat, illersornissaqarfimmiut allapput.

Siriusikkormiut qimmii ilungersoreersunik qaammatini tulliuttuni sisamani qasuersaartinneqassapput, inuttaallu Danneborgemut pigunik ukioq alapernaarsuisimanertik nalunaarusiarissavaat, nalunaarusioreerunillu ukiornissaanut piliassaminnik puisinniassapput. Aamma ukioru ikummatissat inunnut qimminullu nerisassat Siriusikkut qimussernerminni aqqusaartagaannut qimatuliortorneqassapput.

Danneborgemilugooq qimmiaqqat qulit massakkut sumi tamaani pangaleqattaarput ukioru qimuttussamaatit.