Sipaarniaannarluni qamitsisoqartariaqanngilaq

Nillataartitsivik ammarukku, qarasaasiat, pattagiarluunniit kallerup innitortoq ikikkukku kemikaliat akoorutissat navianartut siaruaatsissavatit. Suulluunniit kallerup innitortut kissakkaagamik kemikalianik akoorutissanik navianartunik annikitsunnguanik siaruaatitsisarput, illup iluani silaannarmut sunniuttartunik, Danmarkimi Avatangiisit Pillugit Nakkutilliisoqarfimmi allaffiup pisortaa, Lea Frimann Hansen, taama oqarpoq. Kemikaliammi akoorutissat siaruaakkunik soorlu natersuup meqquluaasaanut nipissinnaapput naggataatigullu puatsinnut pulasinnaallutik. Kemikaliat annikitsunnguugaluartut peqqissutsimut sunniuteqarsinnaapput, soorlu niaqorlulersitsisinnaallutik silallu aalaneranik kinguneqarsinnaallutik, piffissarlu sivisunerusoq eqqarsaatigalugu ajornerusunik nappaateqalersitsisinnaallutik. Atortut kallerup innitortut kisimik kemikalianik akoorutissanik navianartumik siaruaassineq ajorput, natersuarniit pinngussaniillu aamma siaruaattoqartarpoq, taamaammat atortuvut kallerup inneranik atuisut ikkuffiisigut qamivittariaqarpavut. Kemikaliat akoorutissat pinngitsoorniarlugit isersimaffigisavut ullormut minutsit tallimat igalaat ammarlugit silaannarissartariaqarpavut, silaannarissarujoortuartariaqarlugillu, Avatangiisit Pillugit Nakkutilliisoqarfimmi allaffimmi pisortaq, Lea Frimann Hansen naggasiivoq..