Angutit isikkamik arsaallutik pissartanngorniutivinnerat: Siorna pissartat unamminermi siullermi naligiittut

Angutit isikkamik arsaallutik Sisimiuni pissartanngorniutivinnerisa ullut aappassaani Iluliarmiut N-48 Nuummiunut IT-79-mut pingasoraarlutik ajugaapput. IT-79 ataaseraartoq.

Nuummiut B-67 Qeqertarsuarmiunut G-44-mut unammimmata arsaanneq naligiipput, taakku tamarmik ataaseraarlutik.

Unammisullu kingulliit, kujataarmiut Eqaluk-54 tallimaraarluni Nuummiut GSS-equtaannut ajugaapput, GSS ataaseraartoq.

Angutit isikkamik arsarlutik pissartanngorniutivinnerat KNRTV-kkut ullumi aamma isiginnaarneqarsinnaassaaq.

Nalunaaqutaq pingasunut Qeqertarsuup tunuarmiut siulliullutik unammissapput. Tassa N-48 G-44-lu.

B-67 Eqaluk 54-ilu nalunaaqutaq tallimanut unammissapput, unnugulu arfineq-marlunut Nuummiut unammissallutik. IT-79 GSS-ilu.

Tassa unamminerit tamarmik KNRTV-ikkut isiginnaarneqarsinnaajumaarput.