Siorna peqqissutsitta nalunaarusiarineqarnera naammassivoq

Amerliartuinnarpugut, utoqqaliartorlutalu, aatsaallu meeqqat inunngortartut inunngornerminnit ukiumi siullermi inuuginnartartut taama amerlatigaat. 1000-it inunngortunit 12-innaat toqungallutik inunngortartut peqqinnissamut nakkutilliisoqarfiup 2003-mut nalunaarusiaani atuarneqarsinnaavoq. Inuiaqatigiit kalaallit peqqissusiannut, nappaataannut toqussutigisartagaallu pillugit paasissutissanik nalunaarusiaq imaqarpoq.

Nunatsinni 2003-mi kræfteqalersartut amerlisimappput, nunatsinnilu toqusartut 25 procentii kræfterlutik toqusimapput.

Nalunaarusiami aamma atuarneqarsinnaavoq ajutoornerit, toqutsinerit imminornerillu 2003-mi ukiut siuliinut naleqqiullugit ikinnerusimapput. Taakkunanili toqusartut nunatsinni toqusartunit 20 procentiupput.

Naartuersittartut suli nunatsinni amerlavallaapilorujussuartut peqqinnissamik nakkutilliisoq Knud Brinkløv Jensen siorna peqqissutitsinnik nalunaarusiorami maluginiarpaa, taamaammat iisartagaq naartunaveersaat nutaaq atortariaqarluinnartoq nakkutilliisoq isumaqarpoq, soorlu Maniitsumi taamaaliortoqartartoq.

nalunarusiaq ataasinngorpamiit Namminersornerullutik Oqartussat nittartagaanni atuarneqarsinnaalissaaq.