Assi: Kenneth Dahl

Siorna aalisarneq pissutaalluni suliffeqarneq siuariartoq

Aalisarnerup suliffissaqartitsineruneratigut suliffeqarneq siorna siuariartorfiuvoq.

Nunatsinni najugaqavissut agguaqatigiissillugit 25.600-t sinnerlugit siorna qaammatit tamaasa suliffissaqartarsimapput, taakku ukiup siulianut naleqqiullugit 450-t missaannik amerlanerupput. Naatsorsueqqissaartarfik taama allaaserisaqarpoq.

Aalisarnermik inuussutissarsiuteqarneq tamatumunnga pissutaanerpaavoq, aalisartummi saniatigut aamma piniartut, nunalerisut, aalisakkerivinni sulisut, toqoraavinni sulisut assigisaallu naatsorsuinermi ilaatinneqarput.

KNR-illi kisitsinerata takutippaa, Pinngortitaleriffiup siunnersuineranit amerlanerusunik arlalitsigut siorna aalisartoqartoq. 

Aamma atuaruk Suliffissarsiortut suli ikiliartorput

Nuna tamakkerlugu siorna pitsaasumik siuariartortoqaraluartoq, nunap immikkoortui assigiinngitsut nikingasupilussuupput.

Nuummi nunaqarfiinilu siuariartortoqarnera annerpaavoq, aammali Maniitsoq, Uummannaq Upernavillu siuariartorfiusimapput. Nunap immikkoortuini taaneqartuni kingullerni aalisarneq inuussutissarsiutillu tassunga attuumassuteqartut suliffeqarnerup siuariarfiuneranut pissutaanerpaapput.

Pingaartumilli Qasigiannguani, Narsami nunaqarfiinilu siuariartortoqarsimanngilaq, taakkunanimi suliffiit ikilingaatsiarsimapput.

Najoqqutarisaq: Naatsorsueqqissaartarfik

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat