Siorasaaripput

Palæstinami namminersornerullutik oqartussat siuttuata Mahmoud Abbasip partiimini Hamasimi unammillertini sioorasaarpai naalagaaffik Israel pillugu tamat akuerisinnaasaannik palæstinamiunik taasisitsiniarluni.

Palæstinami ulluni arlaqalersuni toqutsinerit, qaartartumeerinerit aallarussinerillu pereersut paasinarsivoq palæstinamiut qulit naalakkersuisunut attuumassuteqartut toqutaasimasut.

Maannali naalakkersuisuutitat sakkutuui 3.000-iusut Gazap illoqarfianit peersinneqarput; ilimagineqanngilarli akerleriit Hamas Fatath-lu akersuunnitik taamaatissagaat.

Ippassarlu akerleriit naapinnerini naalakkersuisut siulittaasuata Mahmoud Abbasip parteeqatini tupaallannartumik qinigassippai: Ullut qulit qaangiutinnginnerini Hamas Israelilu ataavartumik eqqisseqatigiittariaqartut.

Parteeqatimilu akueriumanngippassuk Israelimik eqqisseqateqarnissaq palæstinamiunut taasissutigitinniarpaa.

Hamasimik illersuisut Israelimik suujunnaarsitsiniarnerisa kingunerisimavaa Palæstinap aningaasatigut ingerlanerliorujussualerneranut, ulluinnarni innuttaasunut kingunerloqisumik.