- Tamaani atugarput soorunami artornarpoq. Allakkatigut saaffiginnikkutta tusaaniarneqaratalu akineqarneq ajorpugut. Ilungersoraluarutta, ilungersorlungalu suliniaraluarlunga qitornakka illersortariaqarakkit, uannut tunulliuteqqavunga qitornakka ukua pinerullugit.Assi: Tilioq

Siorapalummi inuit innarluutillit: Maani inuuniarneq artornarpoq

Nunatsinni nunaqarfiit avannarpasinnersaanni Siorapalummi najugartut 40-t sinnilaarpaat. Taakkunani inuit qulingiluat assigiinngitsutigut innarluuteqarput.

- Maani inuuniarneq artornarpoq, PatdloK' Hendriksen KNR-imut oqarpoq.

Nunatsinni nunaqarfiit avannarpasinnersaanni Siorapalummi najugartut 40-t sinnilaarpaat. Taakkunani inuit qulingiluat assigiinngitsutigut innarluuteqarput.

Inuit innarluutillit

 

Kalaallit Nunaanni inuit innarluutillit qanoq amerlatigeqqissaarneri nalunaarsorneqanngillat.

 

Taamaammat Qaanaami nunaqarfiinilu inuit Innarluutillit amerlassusivii aamma oqaatigiuminaapput


Qaanaamili nunaqarfiinilu annertuumik innarluutillik 25-usut 2019-imi paasineqarpoq.
 
Annertuumik innarluuteqarneq tassa inuup pisinnaasai annertuumik appasittut.

 

Pisinnaasat taakku assersuutigalugu tassaasinnaapput:

 

Imminut asattorsinnaannginneq, atisalersorsinnaannginneq, nammineq nerisinnaannginneq illullu iluanilu silamilu nammineq angalasinnaannginneq.

 

Aamma attaveqarsinnaannginneq paasitinniakkamillu paasititsisinnaannginneq imaluunniit allat paasititsissutiginiagaannik paasititsisinnaannginneq ilaasinnaapput. 

Ilaqutariit Hendriksenikkut qitornaat pingasut innarluuteqartut ilagaat. Aamma anaanaasoq PatdloK' Hendriksen innarluuteqarpoq. Ilaqutariit pisortaqarfinnut ikiorneqarnissamik noqqaassuteqartaraluarlutik ikiorneqarneq ajornertik sumiginnaanertut misigaat.

Angerlarsimaffimminni inuit arfineq marluullutik najugaqarput, taakkunanilu sisamat innarluuteqarlutik.

Kommunimut saaffiginnissutit akineqarneq ajortut

PatdloK' Hendriksen 52-inik ukioqarpoq kuutsimigullu anniartarnini pillugu nakorsaminngaanniit suleqquneqarnani.

Tilioq Naalagaaffiit Peqatigiivilu inuup innarluuteqarneranik aalajangiininarnermut tunngavigisartagaat naapertorlugit PatdloK' Hendriksen innarluuteqarpoq.

Qitornai, 18-inik ukiulik, 20-inik ukiulik kiisalu 33-inik ukiulik noqartartuupput, silassorissutsimikkut timikkullu allanik innarluuteqarlutik.

PatdloK' Hendriksen meeqqami ikiorserneqarnissaat anguniarlugu pisortanut saaffiginnittaraluarluni tusaaneqarneq ajorluni oqarpoq. Qitornai 18-ileereermata kommunimut namminneerlutik saaffiginneqquneqartarput.

- Tamaani atugarput soorunami artornarpoq. Allakkatigut saaffiginnikkutta tusaaniarneqaratalu akineqarneq ajorpugut. Ilungersoraluarutta, ilungersorlungalu suliniaraluarlunga qitornakka illersortariaqarakkit, uannut tunulliuteqqavunga qitornakka ukua pinerullugit.

Avannaata Kommunia: Uatsinnut nutaavoq

Siorapalummi inuit qulingiluat innarluuteqartut Tiliup KNR-imut ilisimatitsissutigaa - Siorapalummiut 40-t sinnilaarpaat.

Innarluutillit ornittagaqarsinnaasaat ilaqutariit Hendriksenikkut kissaatigaat.

- Kaperlaap nalaani angerlarsimaannartarpugut, ornitassaqanngilagut ataatsimoorfeqaraatalu. Kaperlaap nalaaniluunniit ornittakkamilluunniit immaqa tunineqarsinnaagaluartugut, PatdloK' Hendriksen oqarpoq.

Sullissinermi unammilligassaqarlutik Avannaata Kommuniani borgmesterip nassuerutigaa, Siorapalummili innuttaasut innarluutillit ornittagaqalissanersut nammineq akisassaminik aperivoq:

- Aatsaat kisitsisit nutaajummata imaaliallaannaq iliuuseqarnissaq nalunarpoq, taamaattumik qulaajaaqqaartariaqarpugut qanoruna iliorniartugut taamatut innarluutillit nunaqarfimmi taama amerlatigippata. Ornittagaqarnissaat eqqarsaatigalugu piviusorsiorpa aamma sulisussaqarpugut? Taakku apeqqutit aamma qaqittariaqaratsigit, Palle Jeremiassen KNR-imut oqarpoq. 

Ilaqutareeqarnermut Ataatsimiititaliami apeqqutitat tamakku qaqinneqassasut Palle Jeremiassenip oqaatigaa ilisimatitsissutigalugulu Tiliup nalunaarusiaa kommunalbestyrelsemi aamma qaqinneqassasoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat