Assi: KNR

Sioorasaarisoqarnera pissutigalugu atuarfik matuneqarallartoq

Qaqortumi meeqqat atuarfinni Tasersuup Atuarfiani sulisup sioorasaarilluni allagaqarsimanera atuarfiup ippassaq matuneqarneranut atuartullu angerlartinneqarnerinut pissutaavoq.

Nittartagaq sermitsiaq.ag taama allaaserisaqarpoq.

Atuarfik aamma ullumikkut matoqqatinneqarpoq.

- Allakkat toqqissisimannginnermik pilersitsipput atuartitsinerlu ingerlanneqarsinnaajunnaarluni, Kommune Kujallermi meeqqanut inuusuttunullu ingerlatsivimmi pisortaq Jens Korneliussen taama nassuiaavoq.

Sioorasaarinerit politiinut nalunaarutigineqarsimasut nittartakkamut aamma erseqqissaatigaa.

Pisumut atatillugu Jens Korneliussenip inuit kajumissaarpai eqqissisimaqqullugit aammalu pisoq pillugu tusatsiakkanik ingerlaartitseqqunagit.

Ingerlatsivimmi pisortaq naapertorlugu sulisoq eqqarsartaatsimigut qasusoorsimasoq pineqarpoq, taannalu maanna katsorsarneqarluni. Atuarfiup upalungaarsimaniarnermi aaqqissuussinera pisumut atatillugu aallartinneqarpoq, atuartut angajoqqaavi ilinniartitsisunit attavigiortorneqarlutik pisorlu pillugu oqaluttuunneqarlutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat