Sinniisussat ilai nalornissutigineqarput

Inatsisartuni ilaasortat akornanni Naalakkersuisunngortoqassappat, sinniisoqarniarneq partiit ilaanni suli inissinneqanngilaq.

Novemberip 15-ani Inatsisartunut qinersinermi Atassut Siumullu sinnerlugit qinigaasut ilaat naalakkersuisunngussappata, partiini sinniisussat akornanni makitsisoqartariaqassaaq.

Ellen Christoffersen aamma Finn Karlsen Atassut-mersut naalakkersuisunngornissaat ilimagineqarpoq. Taakku qinikkat marluk naalakkersuisunngornertik pissutigalugu Inatsisartuni ilaasortaanerminniit sulinngiffeqassappata, inatsisartuni inissaralui sinniisunit inuttalerneqassapput.

Atassummi sinniisussaq siulleq tassaavoq Kristian Jerimiassen, taassumalu inatsisartuni issialernissaa ajornartorsiutitaqanngilaq, kisisannili sinniisussap aappaattut inissisimasut marluupput, tasaallutik Otto Steenholdt aamma Emilie Olsen, tamarmik 157 -init taaguunneqarsimasut. Taakku arlaat isissappat makitsinikkut aalajangerneqassaaq.

Ajornartorsiut taannarpiaq aamma Siumup iluani atuutissaaq, tassa sinniisussat pingajuattut inissisimasut marluugamik, tassaallutik Isak Davidsen aamma Jens Lars Fleischer.

Sapaatip akunnerata ingerlanerani Qinersinermi

Ataatsimiititaliap makitsineq ingerlatissavaa.