Sinniissuutitat ataatsimiigiaqqusaangajalerput

Arsaattartut Kattuffiata GBU-p sinniisuutitai, siulersuisunit tunuartut arlalinngormata, Kalaallit Nunaanni Timersoqatigiit Kattuffiata GIF-ip immikkut ittumik ataatsimiigiaqqungajalerpai. Kingulleq 2007-imi ataatsimiittoqarpoq, uffa maleruaqqusat malillugit ukioq allorlugu pisartussaagaluartoq.
Allattoq Najaaraq Egede
februaarip 12-at 2011 12:48

Kalaallit Nunaanni Isikkamik Arsaattartut Kattuffiat GBU sinniisuutitanik 2007-imili nalinginnaasumik ataatsimiisitsisimanngilaq. Timersoqatigiit Kattuffianni kattuffinnut tunngatillugu inatsisit malillugit sinniisuutitat ukioq allortarlugu ataatsimiittartussaagaluarput.

Sinerissami peqatigiiffiit GBU-mi ilaasortaasut ikinnerpaamik 14-it piumasaqarnerisigut, iimmikkut ittumik ataatsimiittoqartussanngorpoq - tamannalu GIF-imit tamakkiisumik tapersersorneqarpoq.

- GBU-mi susoqarnissaa sivisuumik utaqqineqarsimavoq - pingaartumik siulersuisuni ilaasortat arlallit tunuareernerisigut - taamaammat pinngitsoornani sinniissutitat immikkut ataatsimiisittariaqarput, GBU-mi iingerlatsineq nalinginnaasunngoqqinniassammat, GIF-p siulittaasua Nuka Kleemann gif.gl-imut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq