Sinnattup piviusunngortinnissaa qanilliallappoq
Isikkamik arsarluni nunarsuarmi pissartanngorniunnernut anngunnissaminik Kalaallit Nunaat periarfissagissaarnerulerpoq, tamatumani innersuussutigineqarluni ivigaasanik sanaajusunik arsaattarfik siulleq Qaqortumiittoq, qaammatip ataatsip matuma siornatigut atoqqaartinneqartoq.
Allattoq Jaaku Lyberth
oktobarip 26-at 2009 06:12
Kalaallit Nunaanni arsaattarfiit ivigaasanik sanaajusut amerlanerit pilersinneqarpata, isikkamik arsarlutik unammisartut ima pikkoritsigilersinnaapput, allaat isikkamik arsarluni nunarsuarmi pissartanngorniunnernut peqataasinnaanngussallutik, taamatut isumaqarpoq Kalaallit Nuanaanni Arsaattartut Kattuffiat.
Arsaattarfinni ivigaasanik sanaajusuni sungiusarnerni timi atorluarneqarnerusinnaavoq, sungiusarnermi sukataarnerusinnaallutik imminnullu aporlutik ajoqusernissartik eqqarsaatigisariaarullugu.
Kalaallit Nunaanni arsaattarfinnik ivigaasanik sanaajusunik allanik pilersitsisoqarnissaa, Kalaallit Nuanaanni Arsaattartut Kattuffiannit neriuutigineqarpoq.
