Sinnartoortut erinarsortitaasalissapput

Sinnartoortunut – immaqaluunniit sinnartuupajaartunut – taamaalillutillu suliffimminnut inortuisussanngortunut:

Suliffissuarmi Danmarkip ilaani Gråstenimiittumi sulisut ataatsimiinnissaminnut inortuisut siunissami pillaatisisalissapput.

Inortuisut taakku peqquneqartalissapput suliartornermut assigisaanulluunniit erinarsuutit tunngasut arlaasa versia siulleq suleqatimik saannut qeqqeriarlutik erinarsortalissagaat.

Danfossimi aningaasarsiornermut pisortaq, Peter Simson, erseqqissaavoq, sulisunut ulapporissunut, suliartorfissaminnik paarseqqissaartunut, minnerunngitsumillu suliffimmut ulapiffioqisumut, ataqqinninnerunissamik taama iliuuseqartalernissaq siunertaqartoq. Peter Simson nammineq ataasiarluni inortuigami erinarsortariaqarsimavoq.

Danfossip peqqussut qanoq ingerlanersoq ukiaru nalilersortussaavaa, sulisut ataatsimiinnernut sunniuteqarluartartunut inortuisarunnaarsimanersut – immaqaluunniit erinarsullaqqisseqinersut uffa aamma nalilersorneqarsinnaasoq?