Sinittarnissaq pisariaqarpoq

Pulateriaarsuit pyton-it tiigerillu nukitik sipaarniarlugit ullormut 16 tiimit tungaanut sinissinnaasarput, qungasersoorli ullormut taamaallaat 2 tiimit ataallugit sinimmik pisariaqartitsisarluni. Inunnulli tamanna allaaneruvoq, Norgemi Bergenimi højskolimi sinimmik tunngasunik sammisalik Alvid Alette Bjørkum oqarpoq.

-Meeqqat sivikinnerpaamik 9 tiimit sinittariaqarput, inuusuttuaqqat 8-9 tiimit, inersimasullu 7,5 tiimit sinittariaqarlutik. Inummiit inummut assigiinngissinnaasarpoq, amerlanerilli taamak sivisutigisumik sinittariaqartarput. Sinittarneq pingaaruteqartorujussuuvoq. Naammattumik sinittanngikkaanni peqqissutsimut sunniuteqarnerlussinnaavoq, Alvid Alette Bjørkum oqarpoq.

Sinittarneq timimut qaratsamullu pingaaruteqartorujussuuvoq. Teriarsuarnik misileraanerit takutippaat sapaatit akunneri marluk pingasulluunniit teriarsuit sininngikkunik toqusartut.

-Inuit aamma sinissimanngikkunik uernartorujussuanngortarput sinilertarlutillu. Pinngitsaalisaallutalu eqqumatitaangikkutta sinilissaagut, Alvild Alette Bjørkum oqarpoq.