Sinersortaatit illoqarfinni annerinnarni taartissaqassapput
Arctic Umiaq Linep sinersortaatai siunissami sinersorunnaassappata imal. Aningaasaasassaaleqineq pissutigalugu sinersorpiarunnaassappata umiarsuannik piginneqatigiiffiup allap aningaasarsiutigalugu sinertartaatinik ingerlatsilernissaa ilimanartoq, Københavnimi niuernermut ilinniarfimmi lektori Atlantikup avannaani aningaasarsiornermik ilisimatooq Lise Lyck isumaqarpoq.
- Piginneqatigiiffissuit piginneqatigiiffinnut allanut naleqqiullutik nukittuut, iluanaarutaanngitsumik ingerlatsiniarneq ajorput, taamaattumiguna angisuunngorlutillu nukittuunngortartut, taamaattumik soormi ilimagissavarput piginneqatigiiffissuit angalatitsinermik amigartoorfiusumik ingerlatserusunnissaat, Lise Lyck aperaaq.
Nunat angalasoqarnerusut iluanaarniarfigissallugit
Umiarsuaatileqatigiinnit ornigineqarnerusartut Lise Lyck oqarpoq.
- Taamaattumik Kalaallit Nunaanni sinersortaatit siunissaat eqqarsaatigalugu illoqarfiit annerusut angalasoqarnerusartullu iluanaarniarfigineqarnerunissaat illoqarfiillu minnerusut nunaqarfiillu ilaasoqarpiartanngitsut avaqqunneqarnissaat ilimagisariaqarpoq, Lise Lyck naliliivoq.