Sinersortaatit atorunnaaratarsinnaanerat utoqqarnit assigiinngitsunik isumaqarfigineqarpoq
Sinersortaatit aappaagumit atorunnaaratarsinnaanerat Avannaani utoqqaat Ilulissani ulluni makkunani katersuuttut assigiinngitsunik isumaqarfigaat.
Imaatigut angallassineq tapiissutaannartigut ingerlaannarsinnaanngitsoq, Hans Johansen Uummannameersoq 77-nik ukiulik isumaqarpoq.
-Sinersortaatit akileraartartut akiligaannik tapiiffigineqartarmata sinersortaatit namminersortunngorsarneqaraluarpata immaqa akikinnerulissagaluarput taamaattumik namminersortunngorsaasoqassagaluarpat ajorinngilara, taama oqarpoq, 77-nik ukiulik, Hans Johansen. Taamaattoq
Peter Mathiesen-ip Upernavimmeersup 71-nik ukiullip qularutiginngilaa assut eqqugaassallutik.
-Avannarlerpaajusugut annerpaamik eqqugaasussaavugut, Imaatigut angallanneq unitsinneqarpat timmisartukkullu taamaallaat angalasalissagutta tamanna akissaqartinnavianngilarput, Peter Mathiesen oqarpoq.
Upernavimmiit Kangaatsiaq ilaatigullu nunaqarfinneersut katillugit 116-it missaanniittut Ilulissani pisarnermittut katersuupput.