Sinerissami politiit eqqissisaajartornerusimapput
Nuummi politiit ulappaarsimaqaat 35-nik ukiulik putsumik iioraasimammat Dronning Ingridip napparsimmavianut unitsinneqarsimavoq, ilaqutaasullu pingasut tupaqqasimapput Nuussuarmi illortik ikuallammat. Nuummi Blok P-mi inissiaq aamma ikuallaleraluarsimavoq, Juullip pinnersaatai ikuallannermut pissutaasimapput.
Nuummi politiit 15-neriarlutik angerlarsimaffinni aalakkuttoqarmat eqqissisaajartortariaqarsimapput, Nuummi politiini pigaartoq Asger Hansen oqaluttuarpoq ulapaarsimallutik.
Dronning Ingridip nakorsiartarfiani aamma ulappussimapput, persuttarneqarnerup kinguneranik nakorsiartarfimmut inuit 20-t missaaniittut saaffiginnissimasut, peqqissaasoq Marianne Alaufesen radioaviisimut oqaluttuarpoq.
Ilulissani Qaqortumi Tasiilami, Paamiuni Maniitsumilu politiit angerlarsimaffinni aalakkuttoqarnerani eqqissisisaajartorsimapput, Sisimiuni politiit suliakinnerusimapput, Politeeqarfiillu sinnerinut sianertoqarsimanngivippoq.
