Sinerissami inuit eqqissisimapput

Qaqortumi angut 38-inik ukiulik tatsimi ajunaartoq eqqaasanngikkaani, sapaatip akunnerata naanera nunatsinni eqqissisimaffiusimaqisoq politiit ilisimatitsipput.

Ippassaq ualikkut sisamat qeqqata missaani Qaqortumi politiit qatserisartullu, tatsimi Nipinngaaq qullermi angummik 38-inik ukiulimmik annaasiniarnerat inuppaalunnit isiginnaarneqarpoq.

Angut imigassartorsimalluni nalunnguariarsimagaluarpoq, nueqqinngimmalli aneersuaqataanit tamanna poltiinut qatserisartunullu kalerriutigineqarpoq.

Angut tatsimiit qaqinneqarami toqoreersimasoq uummarsarneqarsimagaluarpoq, tamannalu iluatsinneqarsimanani.

Politimestereqarfimmiit oqaatigineqarpoq ajortumeerisoqarsimanngitsoq, ajutoorfimmilu najuusimasut allat aalakoorsimammata tupassimaqalutillu kingusinnerusukut aatsaat apersorneqarsinnaasimasut oqaatigineqarpoq.

Nunattalu sinnerani sapaatip-akunnerata naanera eqqissisimaffiusimaqisoq politimestereqarfimmiit oqaatigineqarpoq.

Nuup politeeqarfiani pigaartuusup oqaatigaa tupinnaanartumik suliassaqarpiarsimanatik, eqqissiviilliortunut ornigunnerit ikittunnguit eqqaasanngikkaanik.

Qaammatip imaalinerani taamaakajuttartoq oqaatigineqarpoq, aammalu massakkut aavarnerup naligimmagu silarlussimammallu pinartoqannginneranut pissutaatinneqarput.

Illoqqortoormiunilu silagissuaq inuit silami aalakkussimaqisut, illoqqortoormiuni politiit pigaartuat oqarpoq.

-Inuit aalakkukkaluaqisut pinartumik pisoqanngilaq, marluinnaat isertitsitsisarfimmiitissmavagut, pigaartoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat