Sinerissami ilinniartitsisussaaleqineq ilungersunaqaaq.

Siulittaasoq Sivso Dorph isumaqarpoq angajoqqaat kattuffiliortuugunik politikerinut tinnersaaqataassagaluartut. Sivso Dorph aperaarput sooq IMAK-ip angajoqqaat ikiortiserinerai:

- Ilinniartitsisussaaleqineq nalunngisatsitut ukiorpassuarni atuupoq. Misigisimavugut ajornartorsiut pillugu uagut kisitta politikerinut tinnersaasuulluta. Angajoqqaat tinnersaaqataanissaat pisariaqartipparput. Soorlu Danmarkimi atuarfiit siulersuisui kattuffeqarput ’Skole og Samfund’-imik taaguutilimmik. Isumaqarpungalu nunatsinnut naleqqussakkamik kattuffimmik taamaattumik pilersitsisoqarsinnaasoq. Imatut paasillugu atuarfiit siulersuisui peqatigiiffeqalerpata angajoqqaat ilinniartitsisussaaleqinermut iliuuseqaqataasinnaanerat qularutissaanngimmat.

Sivso Dorph aperineqarpoq, kattuffittut susinnaajunaartutut misigisimagamik angajoqqaanik ikiortiserinnissoralugit.

- Ilinniartitsisussaaleqineq ukiorpassuarni atuuppoq. Kattuffittullu iliuuserisinnaasavut iliuuserisarpavut. Maannalu ilinniartitsisussaaleqineq arriitsuararsuarmik anigoriartuaaraluarlugu isumaqarpugut naammanngitsoq. Taamaattumik suliassamut uunga angajoqqaat suleqatiseraavut, Sivso Dorph oqarpoq.

Sivso Dorphip Danmarkimi atuarfiit siulersuisuisa kattuffiata 'Skole og Samfund'-ip assipaluanik pilersitsisoqarsinnaanera ujartorpaa.