Politiit ullormut nalunaarutaat: Sineriammi tillinniarnerit aallarussinerillu
Sisimiuni qamuteralaat marluk aallarunneqarput, Nuummi Brugsenimi tillinniartoqarpoq sineriammilu perulluliornerit assigiinngitsut.
Ullup unnuallu ingerlanerani suliat ikitsut.
Allattoq Rasmus Balle Hansen
apriilip 29-at 2025 11:35
Nutserisoq Karla Heilmann
Suli tillinniartoqaqattaarpoq. Taamak Kalaallit Nunaanni politiit oqarput.
Ullup unnuallu ingerlanerani Sisimiuni qamuteralaat marluk aallarunneqarsimasut nalunaarutigineqarsimasut, Kalaallit Nunaanni politiit pigaartuisa pisortaat Aputsiaq Hansen paasissutissiivoq. Aallarussinerillu piffissani assigiinngitsuni pisimavoq, politiillu maanna misissuipput.
Nuummittaaq politiit suliaqarsimapput, Sipisaq Kujallermi Brugsenimi marlunngornermut unnuaani tillinniartoqarsiammat.
Sinerissallu sinnerani politiit, angerlarsimaffimmi eqqissiviilliornerit, nakuusernerit aqqusinermilu eqqissiviilliornerit pillugit nalunaarutigineqartunik suliaqarsimapput. Tassa illoqarfinni arlalinni ataasiakkaanik pisoqarfiulluni.
