Simon Simonsen kujataani borgmesterinngussaaq
Kujataata kommunissaani ikaarsaariarnermut ataatsimiititaliassamut Siumut tunuliaqutaralugu qinigaasut ullumikkut ataatsimiinnerminni innersuussutigaat Simon Simonsen, Siumut, Kujataata kommuunissaani borgmesterinngussasoq, kiisalu Kiista P. Isaksen, Siumut, borgmesterip tulliatut siullertut innersuussutigineqassasoq.
Allattoq Louise M. Kleemann
Kujataani Siumut tunuliaqutaralugu qinigaasut aamma innersuussutigaat ataatsimiititaliat ataavartut arfineq marluk tamarmik immikkut arfineq marlunnik ilaasortaqassasut. Ataatsimiititaliani inissitsiternissat, suleqatigiinnissamik isumaqatigiinniarnerit naammassippata inuttalersorneqassapput.