Simon Olsen soraarsitaassava tunuarniueqassavaluunniit

Aalisarnermut naalakkersuisoq Simon Olsen naalakkersuisutut ullumi tunuartinneqassava?

Tassa apeqqut naalakkersuisup Hans Enoksenip assaaniittoq ullumi ulloqeqqata missaani tusarliunniagaa Simon Olsen qanoq pissanerlugu.

Siumup gruppia ippassaq ualikkut apeqqut pillugu ataatsimiilerput, tassa inatsisartut ualikkut ataatsimiinnerata kingorna, ippassarlu ataatsimiinnertik naammassisimanngikkuni ullumikkut ulloqeqqata siorna ataatsimeeqqittussaasimagunarlutik, Hans Enoksenilu kipusoorsimanngikkuni ulloqeqqata missaani aalajangiinini suunersoq tamanut tusarliullugu nalunaarutigisussaavaa.

Ippassaq Inatsisartut ataatsimiinneranni Hans Enoksenip aalajangernini Siumukkormiunut nalunaarutigereersimagaa ilimanarpoq.

Siumukkormiut inatsisartuni oqaaseqartartuata Kalistat Lundip Naalakkersuisut siulittaasuata tusarliussaa oqaaseqarfigiumanngikkallarpaa, oqarlunili Hans Enoksenip aalajangereersimalluni oqaasii naammagisimaaritik.

Tassa imaappoq inatsisartuni siumukkormiut oqariartuutaannik Hans Enoksen tusaaniarsimavoq, ilimanarporlu Simon Olsen nammineq tunuarniuteqanngikkuni Naalakkersuisut siulittaasuannit soraarsitaasimassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat