Simon Olsen naalakkersuisutut tunuarpoq

Simon Olsen Aalisarnermut Naalakkersuisutut tunuarniuteqarluni nalunaaruteqarpoq.

Naalakkersuisut siulittaasuat Hans Enoksen tusagassiortunik nalunaaqutaq ullo’qeqqanut aggersaavoq, aggersaanerminut pissutaavoq Aalisarnermut naalakkersuisup Simon Olsenip naalakkersuisuujunnaarnera. Naalakkersuisut siulittaasuat Hans Enoksen ima oqarpoq

- Simon Olsen ullumikkut nalunaaruteqarpoq aalisarnermut naalakkersuisutut tunuarniuteqarluni.

Inatsisartut kukkunersiuinermut ataatsimiititaliaata inatsisartuni saqqummiussinera tunngavigalugu naalakkersuisunit tunuarninni inatsisartunut nalunaarutigissavaa.

- Tunuarniuteqarneranut pissutaavoq kukkunersiuinermut ataatsimiititaliap saqqummiussai kiisalu politikkikkut pisut, taamaaqataanillu inatsisartuni illuatungiliuttut sakkortuumik uparuartuinerat, assersuutigalugu aalisarnermut tunngasuni nassuiaatini erseqqissumik kukkunernik saqqummiussaqartarnera illuatungiliuttut qassiiliortitsipput. Taama oqarpoq naalakkersuisut siulittaasuat Hans Enoksen. Hans Enoksen aamma oqarpoq Simon Olsenip tunuarniutini tunniutereeraa, taamaammallu inatsisartuni qinnutigissallugu akuerineqassasoq, kingornalu aalisarnermut naalakkersuisunngortussaq toqqarneqassasoq.

Aalisarnermut naalakkersuisunngussaaq Rasmus Frederiksen. Rasmus Frederiksen KIS-qarallarmat Sisimiullu kommuniani aalisarnermut piniarnermullu siunnersortaasimasoq.

- Simon Olsenip tunuarneranut atatillugu kinguneqartitsisoqassanngitsoq neriupunga, Hans Enoksen oqarpoq.

Simon Olsen inatsisartuni qinigaanini tunngavigalugu inatsisartuni sulinngiffeqarallarnini atorunnaarsissavaa, nalinnginnarmillu ilaasortanngoqqilluni.