Gerhardt Petersen KNI-mi pisortatut ullumi soraarsinneqarpoq.
Siulersuisut ullumi taama nalunaarput.
Tamatumunnga tunngaviupput naatsorsuutit pitsaanngitsut angusakilliornerlu.
KNI-mi siulersuisuni siulittaasoq Simon Olsen ima oqarpoq:
- Isumaqatiginiarparput isumaqatigiissutip iluanni periarfissaqartoq, taamaalilluni soraarsitaanani isumaqatigiilluta tunuarsinnaasoq. Kisianni isumaqatigiissummini piumasarisimasani annikigai, taannalu pissutaavoq akuersinngimmat, soraarsittariaqalerlugulu, Simon Olsen oqarpoq, nangillunilu:
- Kontraktimi nammineq atsiukkamini akuersissuteqarsimasuuguni taava iluameersumik isumaqatigiilluta qimassimasinnaagaluarpugut, kisianni taamaaliorsinnaasimanngilaq, taannalu pissutaavoq, Simon Olsen oqarpoq.
Qaatsiartaatinik angallassiniarnerigaluaq, Arctic Green Food-imi amigartooruteqarneq, Assartuivik A/S-imilu amigartooruteqarneq soraarsitsinermut pissutaasunut ilaapput.