Kangaamiut avannaani Simiuttami qaqqap qaani sakkortusaavimmi kallerup inneranut atortut akornuteqarsimaneri pissutigalugit, Kangaamiuniit Uummannamut, radio-kut TV-kullu aallakaatitat tusaaneqaratillu takuneqarsinnaasimanngillat.
Aamma Interneti, mobiltelefonillu atorsinnaasimanngillat. Taakku saniatigut timmisartukkut sinerissamilu radiukkut attaveqaatit Kangaamiuniit kujammut attaveqarsinnaasimanngillat. Telefonilli nalinginnaasut atorsinnaapput.
TELE Greenland-imiit iluarsaassiartortut ullaaq Air Greenland-ip qulimiguuliaanik aallarput, ajoqutaasorlu nal. 10.10 iluarsillugu.
Pisoq taassumalu nassatarisinnnaasimasai ajuusaarutigineqarput.