Sillimmartaarniarluni akeqanngitsumik akiuussutissiisoqartussanngortoq

Naalakkersuisut, Nunatta Nakorsaataasivia aamma nakorsaaneqarfik suleqatigiillutik nunatsinni akiuussutissamik annertusaalerput.

Utoqqaat 65-ileereersimasut allallu navianartorsiortut, soorlu assersuutigalugu katsorsarneqarsinnaanngitsumik napparsimasut suli 65-iliisimanngitsut, pneumokokkerinut akiuussutissamik akeqanngitsumik kapitissinnaassapput.

Taamatullu naartusut erninissaannut qaammatit pingasunngoraangata ilummoornermut akiuussutissamik akeqanngitsumik kapitittassapput.

Akiuussutissiinerit coronavirusimik tunillaassuuttoqalissagaluarpat peqqinnissaqarfiup angummassinnaajunnaarnissaanut pinngitsoortitseqataassasut, Namminersorlutik Oqartussat tusagassiuutinut nalunaarumminni taama allapput.

Inuit soorlu katsorsarneqarsinnaanngitsumik nappaatillit pneumokokkerinik tunillatsittut annertuumik napparsimalernissaat akeqanngitsumik akiuussutissiinikkut pinngitsoortinneqarniarpoq.

Taamatullu naartusut erninissaannut qaammatit pingasunngorpata ilummoornermut akiuussutissamik kapitittassapput. Taamaalilluni meeqqap inunngorneraniit qaammatit siulliit ilummoornermik napparsimalernissaanut illersorneqassaaq.

Akeqanngitsumik akiuussutissiinerit pissutigalugit ikinnerusut napparsimmavimmut unissappata, peqqinnissaqarfik nunatsinni coronavirusi tunillaassuutilerpat angummassinnaanerussasoq, Namminersorlutik Oqartussat allapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat