Silikone kissakkaangami qaartarpoq
Danskit arnartaasa iviangitik anginerulersinniarlugit silikonemik immiinermik nuannarisaqarnerujussuat inuiaqatigiinnut arnallu ilaqutaannut akisoorujussuanngorsinnaasoq, aviisip Politikenip nittartagaani allaaserineqarpoq.
Allattoq Mads Lynge
Arnap toqoreeruni timimi ikuallanneqarnissaa kissaatigippagu, timaata ikuallanneqarnerani silikone qaartarpoq, ikuallaaviillu aserortarlugit.
- Iviangit anginerulersinniarlugit iluinut immiunneqartartut kissatsippallaaraangamik qaartarput, silikonelu ikuallaavik tamakkerlugu erfagiunneqartarluni, ilisimatooq Peter Bjerring napparsimavimmi namminersortumi Mølholmimi nakorsaanerusoq oqarpoq.
Toqusut timaat silikonetallit ikuallanneqarnissaat Tuluit Nunaanni inerteqqutaavoq, tamannali Danmarkimi suli isummerfigineqanngitsoq, isummerfigineqarnissaali pisariaqalersussaasoq Peter Bjerringip oqaatigaa.