Silassaq eqquuneq ajortoq
Silassamik ilimasaarut arlaleriaqaluni eqquuneq ajortoq isornartorsiuisut ilaat oqarpoq.
Danmarkimi silasiorfiup ullunut tallimanut silassamik ilimasaaruteqartarnera amerlasuutigut eqquuneq ajortoq oqaatigineqarpoq. Arlaleriaqaluni silassaq
uniorneqartartoq radioaviisimiit oqaloqatigisatta ilaat oqarpoq.
Jan Brandt Nuummi angallateeraatileqatigiinni angallatinik 1000-it missaaniittunik nakkutilliisoq, arlaleriaqaluni pisariaqanngikkaluamik angallatinik isumannaallisaasarsimalluni oqarpoq.
-Soorlu anorsarissangatikkunikku, immaqa kitaata avasinnerusortaani taamaasimasinnaagaluartoq, sinerissap qanittuani anorersuartarpoq, naak anorsariinartussatut aalerisaarisoqarsimagaluartoq.
-Aamma akerlinganik sapaatiummat anorersuarnissaanik aarlerisaarisoqarpoq. Nuup eqqaanilu Ameralimmi angalaarpunga piffissami sivisuumi aatsaat taamak silaqqitsigitillugu takullugu, Jan Brandt oqarpoq.
Akerlinganilli aamma ilimasaarutigineqartoq uniorlugu anorersualeraanat Nuummi angallateeraatillit nakkutilliisuat Jan Brandt ulappuseriataartarsimalluni oqaatigaa. Danmarkimi silasiorfimmiit (DMI) oqaaseqartitsiniaraluaratta iluatsinngilarput.
