Silarluup atuarfiit eqqorpai

Sumiiffinni arlalinni silarluk pissutigalugu atuarfiit arlallit matoqqapput.
Allattoq Noah Mølgaard
februaarip 11-at 2011 08:25

Narsami, Paamiuni, Qeqertarsuatsiaani, Tasiilami, Sermiligaami Kulusumilu atuarfiit matoqqapput tallimanngorneq februaarip aqqarnat. Tamanna silarlunneranik peqquteqarpoq.

Tasiilami eqqaanilu maanna anori neqqajaar - kitaani anorersuarmut nigermut assersuunneqarsinnaasoq - atuuppoq.

- Ukiut tallimat Tasiilami najugaqarnikuuvunga. Aatsaat taama neqqajaar sakkortutigitillugu naammattoorpara aqquserngillu sermiinnaallutik quasaqimmata ilungersunartorsiornermut ilasaataaginnarput, taama KNRimut oqarpoq Tasiilami atuarfimmi pisortaq Jørn Holbech.

DMImi silamik ilimasaarut malillugu Tasiilami eqqaanilu anori sakkukilliartorpoq ullup qeqqata missaani anoraasuasarnerit sekundimut 35 meteriussallutik. Ullup ingerlanerani suli anori sakkukinnerulissangatinneqarpoq.