Silarlunnera pissutaalluni angallanneq akornuserneqarpoq

Silap ajornera pissutigalugu nunatta qeqqani timmisartunik ilaasunik angallassineq akornusersorneqarpoq.
Allattoq Jaaku Lyberth
oktobarip 19-at 2009 10:21

Timmisartortitseqatigiiffiup Air Greenlandip timmisartuutaannik Nuummit, Maniitsumit Sisimiuniillu timmisartuussinerit tamarmik kinguartinneqarput, timmisartuussinissallu allannguutaat nalunaaqutaq ataatsimut paasissutissiissutigineqassapput.

Timmisartorsuaq Københavnimit Kangerlussualiartoq piffissaq eqqorlugu Kangerlussuarmut tikippoq, Kangerlussuarmiillu Københavnimut aallarnissaa ualeru nalunaaqutaq tallimanut pilersaarutigineqarpoq, Københavnimullu unnuaru ataaseq qaanngerlugu tanneq sisamanut tikinnissaa pilersaarutigineqarluni, Air Greenlandimi paasissutissiisartoq Pia Bang oqarpoq.

Nuummiit Maniitsumiit Sisimiuniillu Danmarkiliartussat Kangerlussuarmut tikinnissaat naatsorsuutigaarput, Pia Bang oqarpoq.

Silap ajornera pissutigalugu Nuummi bussit ullaap tungaani nalunaaquttap akunnerani ataatsimi ingerlaartinneqanngillat, inuillu arlaqartut pisuinnarlutik Nuussuarmit Nuummut pisuttariaqarsimapput, bussit qatsinnersanut qaqisinnaasimanngimmata.

Bussit maanna ingerlaaqqilerput, timmisartortitseqatigiiffillu Air Greenland neriuuteqarpoq nunatta qeqqani angalasut ullumi Kangerlussuarmut timmisartuunneqarumaartut.