Silarlummit aninaveeqqasut sillimaniarnikkulli piareeqqapput

Illoqqortoormiuni anorersuarluni silarluttorsuunera pissutigalugu sillimaniarnikkut piareersimasoqarpoq. Innuttaasut kaammattorneqarput pissutissaqavinnatik silamut aneqqunagit, taama Illoqqortoormiut kommuneani kommnaldirektør Otto Christensen Radioaviisimut oqaluttuarpoq.

- Ullut pingajussaa anorersuarluni perluttorsuuvoq, meeqqeriviit, atuarfiit, pisiniarfiit kommunellu allaffia matoqqapput, taama Illoqqortoormiut kommunaldirektøria Otto Christensen tupigusulluni silarluup amiilaarnartua pillugu innuttaasunut mianersoqqusilluni oqarpoq.

- Maani innuttaasut oqaluttuarput ukiut 20-t matuma siorna kingullermik silarlorujussuarmat, taamaattumik sillimaniarnikkut ajutoortoqassangaluarpat sillimaniarnikkut piareersaateqarsimavugut. Aasiami ajunaarnersuaqarneranut atatillugu KANUKOKA-p erfalasunik qiteqqusimatitsinissamik kaammattuuteqarnera sila ajungaarmat peqataaffigisinnaanngilarpulluunniit, - silamummi anisoqarsinnaanngimmat, Otto Christensen oqarpoq. Erseqqissaatigali misiginneqataanertik nal. ullo´qeqqaniit minutsini nipaallisimanissaq peqataaffigissallugu.