Maajip ulluisa 30-anni tullianik aallartitsiniartoqassaaq.Assi: Joe Skipper/Reuters/Ritzau Scanpix

Silarlummat amerikamiut avataarsualiartaataat aallartinneqanngitsoortoq

Avataarsualiartaatip inuttaanut ini "Crew Dragon" pingasunngornermi unnukkut aallartinneqarnissaralua. Arfininngorpat tullianik aallartitsiniaasoqassaaq.

Avataarsualiartitsisarfiup SpaceX-ip avataarsualiartaataa Falcon 9 Floridami Kennedy Space Centerimit pingasunngornermi avataarsualiartinneqartussaagaluarpoq, aallartinneqarnissaanullu minutsit 17-iinnannngortut taamaatiinnarneqarluni.

Amerikamiut avataarsualiartitsisarfiat NASA taama ilisimatitsivoq.

SpaceX-ip avataarsualiartaataata Floridami aallartinneqartussanngornerani silarluppoq, avataarsualiartaatillu aallartinnissaanut minutsialuinnanngormata avataarsualiartitsisarfiup aqutsisuisa aallartitsinissamut piareersarnermi piffissaqarnerorusunnertik kissaatigaat, aallartitsinissaraluarli taamaatinneqarluni.

AAMMA ATUARUK Musk USA-mit 2011-mili siullerpaamik avataarsualiartitsilertoq

Avataarsualiartaat nunatta nalunaaqutaa naapertorlugu pingasunngornermi unnukkut nalunaaqutaq arfineq-marlunut qiteqqunnerata missaani aallartinneqartussaagaluarpoq.

Maajip ulluisa 30-anni tullianik aallartitsiniartoqassaaq.

Amerikamiu aningaasaatilissuaq biililiorfimmillu Teslamik tunngaviliisoq, Elon Musk, avataarsualiartitsisarfimmik SpaceX-imik pilersitsisuuvoq, NASA-lu suleqatigalugu avataarsualiartitsiniaraluarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat