Silarluk kinguaattoortitsivoq
Pingasunngornermi ullaap tungaa Nuummi anorlersukasiuvoq nittaallerlunilu.
Ullaap tungaa Nuup Kangerlussuullu akornanni angallanneq unittooqqavoq tamatumalu kingorna ilaasut 70-it timmisartorsuaq Danmarkiliartoq angumerinngitsoorpaat.
- Tamatuma kinguneranik timmisartorsuaq Kangerlussuarmiit Københavnimut aallarpoq kinguaattooqqalaarluni Ilulissaniit, Aasianniit Sisimiuniillu angalasut ilaasoralugit, Air Greenland KNRimut taama ilisimatitsivoq.
- Nuummiit angalasut 70-it missaanniittut agguataarneqassapput. 50-it missaat immikkut timmisartuussinikkut Keflavikimut ingerlanneqassapput aqagu Danmarkimut ingerlaqqissallutik. Nuumiit ullumikkut ilaasussaagaluit sinneri aqagu naliginnaasumik timmisartuussinermi inissaqarput, Air Greenland taama nalunaarpoq.
