Silap pissusiisa allanngoriartorneri nunarsuarmi pissaanerup oqimaaqatigiinneranik allanngortitsissapput
Foghilli nunat killiit sakkutooqarnikkut peqatigiit tamatumunnga akuliuttariaqarsorinngilai.
Isummersuisilli Carnegie Europep Bruxellesimi ullumi oqallinneranni Foghip erseqqissarpaa, Nato, pisariaqartinneqassappat, ilaasortaminik ikiuinissaminut illersuinissaminullu, piareersimasoq.
Imaatigut angallaviit nutaat atorneqalerpata, pisuussutinillu nutaanik atuinissamut periarfissaqalerpat, aporaannernik tamatuma kinguneqarsinnaanissaa pissusissamisuussaaq, Fogh oqarpoq. Taanna aamma oqarpoq nunarsuup immikkoortuani aaqqiagiinnginnerit aaqqinniarnissaannut suliniaqatigiiffiitt aqqutigineqarsinnaasut arlallit pigineqareersut - soorlu assersuutigalugu Issittumi Siunnersuisooqatigiit.
Nunarsuup immikkoortuani nunat unamminartunut eqqissisimasumik isumaqatiginninniarnerillu aqqutigalugit aaqqiissuteqarnissaat ilimagaara. Taamaammat Nato nunarsuup avannaarsuani annertusaanissaminik sakkutuuliinissaminillu pilersaaruteqanngilaq.
- Kisianni Natop territoriatsinni tamani illersuinissaa iligiit soorunami naatsorsuutigisinnaavaat. Tamanna aamma nunarsuup avannaarsuanut atuuppoq, Fogh isummersuisit ataatsimiinnerini oqalugiarnermini taama oqarpoq.