Silap pissusiata allanngoriartornerata sunniutai misissuivimmit nutaamit misissorneqalersut
![](/sites/default/files/styles/image_934x467/public/article_images/forskningsstation_zackenberg_foto_henrik_spangg_rd_munch.jpg?itok=oZj85Lsn)
Taamaattoq suliniutit pissanganartut arlallit aallartisarneqalereerput. Atuagassiap Ingeniørenip nittartagaani tamanna atuarneqarsinnaavoq.
Issittup silap pissusiata allanngoriartorneranit sunnerneqarnera suliniutini assigiinnngitsuni paasiniarneqassaaq, allannguutillu tamakku Nunarsuup sinnerani silap pissusianut qanoq sunniuteqarsinnaanersut aamma paasiniarneqassalluni.
Aarhus Universitetip, Pinngortitaleriffiup Canadamilu University of Winnipegip suleqatigiillutik ilisimatusaatigalugu misissuinerit marluk sapaatip-akunnerinik pingasunik sivisutigisussanik apriilimi aallartitsiniarput.
Sikup sinaavani misissuiviuliortoqassaaq
Suliniut Station Nord Campaign, qeqertaaqqat eqqaanni immap sikuata, silaannaap immallu akornanni pissutsinik assigiinngitsunik misissuiviussaaq, Qallunaat, kalaallit Canadamiullu matumani suleqatigiissallutik.
Ilisimatusaatigalugu misissuinerup aappaa tassaavoq Amundsen-kampagnenimik taaneqarsimasoq. Issittup imartaani ammanersat matumani misissuivigineqassapput.
Ilisimatuut umiarsuaq sikunik aserorterut CCGS Amundsen atorlugu Naresip Ikerasaa aqqutigalugu avannamut ingerlaassapput, silap pissusianik misissuissallutik, soorlu aamma sermersuarnut tunngasunik, immami pissutsinut uumassusilinnullu tunngasunik misissuiniartut.