Silap pissusiata allanngoriartornerata ilisimatusarfigineqarnerani naasut naasarnerinik misissuisoqartoq
Taakku suliniaqatigiinnut ilaapput issittup naasuinik Nunavumi ujarlerlutik sunut atanerinik nalunaarsuiniartunut. Ukiut pingajussaanni taamma sulipput. Kuussuup Copperminep sinaa atuarlugu Kitermiuni aasaq manna sulissapput.
Qeriuaannartup masarsuisa orpeqarfinnut killeqarfianiittumi sulissapput, taamaattumik ilisimatuut sisamat taakku orpeeqqat naasullu allat misissuiffigissavaat.
Taavani naasut naasartut 800-it sorpiaanerisa paasiniarnersaat suliniummi suliassani pingaarnersaavoq, aamma paasissutissat silap pissusaata allanngoriartorneranut paasiniaanermut iluaqutaasinnaammata, tassami naasut silap pissusia apeqqutaatilllugunuussinnaasarput naaqqinngisaannarlutilluunniit.
Nuna qeriuaannartoq aamma allanngorujussuarsinnaavoq. USA-miittumi Nebraskami Ilisimatusarfiup siulittuutigivaa qeriuaannartop allaat 40 procentit angullugit ukiuni hunnorujukkuutaani maanna atukkatsinni millisinnaasoq. Imaassinnaavorlu tamanna naasut aqqutigalugit paasineqarsinnaasoq.
