Canada Silap pissusiata allanngoriartornera Tuttuujaartoormiunut ernumalersitsisoq
Tuttuujaartuup Ualerngup Tarajuata sineriaa eqqorneqarpoq, immap sikuata aakkiartornerata malitsigisaanik malliornerulerpoq, sineriaalu mangiarneqarluni.
Inuvialunni Tuttuujaartuumi innuttaasut 900-t missaanniipput, silap pissusiata allanngoriartornerata malitsigisai innuttaasunit ernummatigineqarlutik.
Nuna qeriuaannartoq aakkiartorpoq, anorlerajunnerulerluni, illullu immamut nakkaannissaat ernummatigineqarluni.
Assersuutigalugu Noella Cockneyp lastbiilini illup silataanut inissittaraluarpaa, lastbiilillu maanna inissaarussimapput, illuatami immamut nakkaannissaa ernummatigineqarami.
Tuttuujaartuumi oqartussat assigiinngitsutigut aaqqiissuteqarput. Illummi sinerissamut qanittut isumannaanerusumut nuunneqarput, tamannalu iluaqutaanngippat kuussuup Mackenziep kujasinnerusortaanut nuuttariaqarnissartik piviusunngorsinnaasoq, Noella Cockneyp oqaatigaa.
