Assi: Pressefoto

Issittumi Siunnersuisoqatigiit: Silap pissusiata allanngoriartornera akiorniarneqartariaqarpoq

Issittumi Siunnersuisoqatigiit Finlandimi Rovaniemimi ataatsimiinnerat marlunngornermi aallartissaaq. Nunat arfineq-pingasut Issittumut sineriallit nunanut allanut tunngasunut ministerii, USA-p nunanut allanut tunngasunut ministeria Mike Pompeo, Ruslandillu nunanut allanut tunngasunut ministeria Sergey Lavrov, Rovaniemimi ataatsimeeqataasunut ilaapput.

Nunanut allanut tunngasunut naalakkersuisoq Ane Lone Bagger, nunarput sinnerlugu ataatsimeeqataassaaq, soorlu aamma Inuit Issittormiut Siunnersuisoqatigiivisa ICC Kalaallit Nunaanni præsidenti Hjalmar Dahl peqataassasoq. Sibiriami, Alaskami Canadamilu præsidenteqatini Issittumi Siunnersuisoqatigiit ataatsimiinneranni ataatsimeeqatigiartorpai. Issittumi Siunnersuisoqatigiit ukiut allortarlugit ataatsimiittarput.

Ullumi ataatsimiinissaq Issittumi politikkikkut oqalliffiusartuni pingaarnerpaavoq.

Ataatsimulli nalunaaruteqarnissamut ippassaq unnukkut isumaqatiginninniarnerit kigaatsuinnarmik ingerlasut, Altinget.dk-p nittartakkamini allaaseraa.

Silap pissusiata allanngoriartornerata Issittumi suliniuteqarfigineqarnerunissaa kissaatigineqarpoq, USA-lli assersuutigalugu silap pissusiata allanngoriartornerata akiorniarneqarnissaanut Parisimi isumaqatigiissummit aninikuunera pakatsitsissutgineqaqaaq, ataatsimullu nalunaarusiornissamut akimmiffeqartitsilluni.

Nalunaarusialli oqaasertassaanut isumaqatigiissusiortoqarsinnaanissaa naatsorsuutigineqarpoq, tamannalu pillugu annerusumik kingusinnerusukkut tusagassaqarumaarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat