Aningasaliissutit silap pissusia pillugu suliniutinut atorneqartussat silap pissusiata allanngoriartornerata pinngortitamut sunniutaanut paasisaqarnerulissaagut. Assi: KNR/Anton Gundersen Lihn

Silap pissusia pillugu suliniuteqarusuttussarsiortut

Silap pissusianut aningaasaliissutinik taperneqarnissamut qinnuteqarfissaq nallerpoq.

Suliniutit silap pissusiata allanngoriartorneranik ilisimasaqarnerulernissatsinnut iluaqutaasinnaasut silap pissusianut aningaasaliissutinik tapiiffigineqartarput.

Suliniutit silap pissusiata allanngoriartornerata pinngortitamut inuiaqatigiinnullu sunniutaannik ilisimasaqarnerulernissatsinnut tunngasinnaapput.

Silallu pissusiata allangoriartorneranut naleqqussarnissatsinnut pilersaarusianut, imaluunniit silap pissusiata allanngoriartornerata kinguneri pillugit ilisimasaqarnerulernissatsinnut suliniutissanik aallarniutaasinnaasunik siunnersuutinut tunngasinnaapput.

Kommunit, inuussutissarsiuteqartut, atuaqatigiiaat, ilisimatuut inuinnaalluunniit silap pissusianut aningaasaliissutinik taperneqarnissamut qinnuteqarsinnaapput.

Silap pissusianut aningaasaliissutit Pinngortitamut Avatangiisinullu Naalakkersuisoqarfimmit aqunneqarput, aningaasallu isumassarsiatsialannut tunniussinnaasaat katillugit 400.000 koruuniupput.

Suliniut Kalaallit Nunnaannut attuumassuteqassaaq, suliniummilu aningaasartuutit minnerpaamik 30 procentii nammineq akilerneqassapput allaninngaanneersuussaallutilluunniit.

Suliniummilu inernerit misilittakkallu inunnut allanut iluaqutaaqqullugit  Naalakkersuisoqarfimmut apuunneqassapput.
 
Suliniut kingusinnerpaamik ukioq manna novembarip aallaqqaataani naammassereersimassaaq, qinnuteqarnissamullu ulloq killigitinneqartoq tassaavoq ataasinngorneq februaarip ulluisa 21-at.

Silap pissusianut aningaasaliissutinut qinnuteqarnermi immersugassaq KNR-ip nittartagaani knr.gl-imi aaneqarsinnaavoq link

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat