Silap pissusia Kangerlussuarmit inuusuttorpassuarnillu millionilikkaanit sorsuutigineqartoq

Kangerlussuarmi meeqqat atuarfianni atuartut inuusuttorpassuit millionilikkaat silap pissusianik sapaatit akunneranni uani atuanngitsoornikkut akerliussutsimillu takutitsinikkut sorsuutiginnittut ippassaq sisamanngornermi ilagilerpaat.

Nunarsuarput Paaritigu – Siunissarpummi?! Lad os beskytte vores verden - Hvad med vores fremtid?!, Keep it clean - Keep it green.

Kangerlussuarmi Qinnguata Atuarfiani atuartut silap pissusia allagartarsualisarlutik oqaasinnaanillu suaaruteqartarlutik ingerlaaqatigiinnikkut sorsuutigimmassuk oqariartuutigisaat paatsuugassaanngilaq.

Akerliussutsimik takutitsinerisa kingunerisaanik Kangerlussuaq pissaanillit silap pissusiata allanngoriartornerata akiuinissaannut noqqaaviginiarlugit nunarsuarmi sumiiffiit assigiinngitsut ingerlaaqatigiiffiusut ilagilerpaat.

AAMMA ATUARUK USA-mi inuusuttut Gretha Thunberg akerlioqatigigaat

Nunarsuarmi inuusuttorpassuit millionilikkaat silap pissusiata allanngoriartornerata akiornissaanut ilungersuussisoq 16-inik ukiulik Greta Thunberg kaammattorumallugu Naalagaaffiit Peqatigiit silap pissusia pillugu New Yorkimi septembarip ulluisa 23-anni ataatsimeersuarnerannut atatillugu saapaatit akunneranni uani ingerlaaqatigiipput, atuanngitsoorput akerliussutsimillu takutitsillutik.

Atuartut, ilinniartitsisut angajoqqaallu 90 missaannittut silap pissusiata allanngoriartornerata akiornissaa siunertaralugu iliuuseqaqqusinerminnik suuaruteqarumallutik Kangerlussuarmi atuarfimmiit mittarfiup tungaanut ingerlaaqatigiipput.

Ingerlaaqatigiinnerminni oqartussaasut, politikerit suliffeqarfissuillu silap pissusiata allanngoriartornerata akiorniarlugu suliniuteqaqataaqquaat.

14-inik ukiulik Minik Olesen Inatsisartunut oqariartuuteqarusuttut ilagaat:

- Inatsisartut oqarfiginiarpakka maannakkut torernerusariaqartugut nunami sumi tamaani eqqagaqarpallaaqimmat.

AAMMA ATUARUK Silap allanngorneriartornera issittumi uumasunut kinguneqarnerlussinnaasoq

Ingerlaaqatigiinnermut aaqqissuisup Maria Nørgaard Andersenip ingerlaaqatigiinnermut tapersersuisut nuannaarutigai.

- Meeqqat torrallaasorujussuullutillu pimoorussisorujussuupput, aamma angajoqqaarpaaluit innuttaasorpaaluillu tapersersuinertik takutinniarlugu ingerlaaqaatigiinnitsinni peqataapput.

- Ingerlaaqatigiinnerput ataatsimut isigalugu iluatsilluarpoq, ullorlu nuanneqaaq. Taamaakkaluartoq nunarsuarput annaatinngilarput. Ajornarsiut suli ilungersunarpoq, tamatumunngalu atatillugu iliuuserisariaqakkavut suli amerlasoorujussuupput.

Silap pissusiata allanngoriartornerata kingunerisaanik panernersuaqartarpoq, qarsutsinerit pisarput aamma sermersuaq aakkiartorpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat