Silap pissusaata allanngornera issittormiut arlerigaat

Misissuisitsinermik suliaqartuuvoq Canadami illoqarfimmi Torontomi Ilisimartusarfik Munk School Affairs.

Kalaallit Nunaani innuttaasut 32 procentiisa, silap pissusaata allanngornera siooranarnerpaatut isigaat, 3 procentit uuliasiornermi ajutoortoqarnissaa ernumanartutut isigalugu.

Finlandimi innuttaasut silap pissusaata allanngornera aarleqqutigineqarpaavaat, innutaasut 45 procentiisa silap pissusaata allanngornera ernummatigalugu.

Canadap issortortaata sakkutooqarnikkut illersorneqarnissaa Canadami innutaasut tapersersoraat mississuitsinermi erserpoq.

Canadap nunataata sakkutooqarnikkut sukannersumik illersorneqarnisaa Canadami innuttaasut affaasa illersorpaat.

Kalaallit Nunaanni innuttaasut 5 procentiisa Kalaallit Nunaat sakkutooqarnikkut illersorneqarnissaa tapersersorpaat, 64 procentii isumaqarlutik isumaqatiginniarnikkut nuna illersorneqassasoq, sakuttooqarnikkut pinnani.

Atomi atorlugu sakkussiorneq pillugu isummat, nunani issittuni najugaqartut tamarmik isumaqatigiissutigaat. Issittumi atomimik sakkussiortoqassanngilaq, isumasiorneqartullu amerlanersaat issittumi atomimik sakkussiortoqanngilluinnarnissamik kissaateqarput, soorlu Sikuiutsoq Kujallermi taamaattoqartoq.

Issittumi najugaqartut isumasiorneqartut 9.086-inik amerlassuseqarput.